انتـي الظاهـر تبيـن اللـي يبادلـك اللئامـه
واحد ٍ يضحك عليـك ومـن بَعَدْهـا يستبـدّك
واحـد ٍ مايملـك بقلبـه رجولـه أو شهـامـه
كل همه حاجـة ٍ لامـن قضـى منهـا يهـدّك
اذكـري الوافي لاعضيتـي ابهامـك ندامـه
واذكريني زين لاسالت دموعـك فـوق خـدّك
واخذي وقتك وابحثي في وسط هالكون وزحامه
والله ماعمرك تلاقي شخص باخلاصي يـودّك
والله إني فـي المحبـه ناجـح بميـة علامـه
وانتي أصلا فاشله ودرب الفشل دايـم مـردّك
فكّني الله من هـواك وأحمـده جتنـي سلامـه
وانتهيتي من حياتـي وانكشفتـي وبـاح سـدّك
ثقـل دمـك مايعالجهـا طبيـب ولاحجـامـه
ومخك مقفّل ويجهل من معاك ومنهـو ضـدّك
اسمعي الزبده ولاواحـد نبـي يكثـر كلامـه
وانتي روحي جربي غيري وشوفي اللي بودّك
بـس قولـي لابكيتـي وانحرمتـي الإبتسامـه
قالها الوافى(فرصـه وكانـت بيـدّك)!

__________________