فكّرت مرّه وقلت إنّي أنا بنساك
لنّك حبيبي ولا تسأل أبد فيني
لكن تخيّل ثواني عاد لي ذكراك
حتّى خيالك لقيته ساكن ب عيني
بالمختصر كنّي حبيبي نسيت أنساك
انساك صعبه فديتك مو بإيديني
تدري جمالك يجره خافقي جدواك
يالين يتعب على كيفه يودّيني
حالي بدونك تأكّد صعب ما يغباك
عايش ولكّن كأنّ الموت يطريني
رجواي خفف وخفف ع قلب مضناك
زولك ترى إن لمحته صدق يحييني
تدري حياتي مناي أكون أنا ويّاك
وأنته بودّك أبيّن لك براهيني
خذها فديتك انا أهواك موت أهواك
ماغير حبّك حبيبي لي يهنّيني
هل تعجبك حالتي مهموم من فرقاك
وإلاّ فراقي بغيته ليش تجفيني
إن كان ذنب ٍ فعلته قول وأترجّاك
بأنّك تقوله وأنا بقتله بيديني





للشاعر : حمد شهاب حمد

صح لسانة يالغلا
واشكرك على النقل يالغلا

كفيت ووفيت وبنتظار جديدك حبيب قلبي

تحياتي لك

__________________

 

مشكور اخوي على الكلمات الرائعة

تحياتي